پیشاپیش نوروز و بهار آزادی و سال نوهمه شوما هموطنان عزیزا تبریک گم . سال خوب و خوشی شومره آرزو کونم وامید وارم کی ایمسال سال آزادی ببه همه تان ره.
تیک تاک , تیک تاک , تیک تاک..........
ساعت دیوار رو , خبر از آمون بهار دئه*
من جه پنجره , بیرونا فاندرم , تا کی نسیم بهارا بیدینم
داران , تی تی* بزئید , گولانم ایتا ایتا واشکوفتا ندرید*نوای خوشه بولبول , جه هر طرف بگوش آیه
پروانه یانم , بجیر بوجور شیدی و چرخ خوریدی
عطر سبزهء تازه و سونبول , همه جا بپیچستهء*
آسمانم خیال کونی , هیچ سیا ابری ناره , گول گول آفتابه
خورشید گرمتر جه همیشه , خودش آفتابا پهنا کوده همه جا
زمستان بقچه به بقل , زانوی غم بغل بیگیفته و چوم برایه
من می تازه رختا , کی جه پارسال عید داشتیم دوکونم
خاک بیگیفته طاقچه یا , جه گرد و غوبار پاکا کونم
آینه و شمدان و سبزا کوده گندما , همرایه هفت تا سین سفر سر دیچینم
در خانه یا باز نهم , تا دوست و آشنایا خوش آمد بگم
تا جه خوشحالی , جه محبت , جه ته دیل همه تانا بگم ;
شیمی عید موبارک
شیمی بهار و نوروز موبارک
شیمی تازه سال شومره موبارک
----------------------------------
جه : دامون گیلک پور
* مفهوم فارسی :
دئه = می دهد
تی تی = شکوفه
واشکوفتاندرید = شکوفا می شوند , باز می شوند
بپیچستهء = پیچیده است
-------------------------------------------------------------------
*دواره اشان همه *
ایشناوی شر شر آب چشمه یا جه کوه
بپیچسته همه جا , گول سونبول عطر و بو
ایوارده واگردسته هاج هاجی جه سفر
سبزا بو دشت و دمن , صحرا و کوه و کمر
نده راه غورصه بدیل , هاتوئی نمانه سخت روزان امره
دواره اشان همه , ایوارده روز و روزگار بکام به امره
تره یاده نشه کی تی واسی , چوم برایه تی همسایه
تا بیگیری اونه حالا , ایمسالم مثل همیشه عید ره اون تنهایه
---------------------------------------------------
جه : دامون گیلک پور
